Get Our Android App

Friday, January 27News That Matters

रविविरुद्ध आयोगमा उजुरी, विदेशी नागरिकता लिँदा नेपाली नत्यागेको आरोप



 

काठमाडौं । राष्ट्रिय स्वतन्त्र पार्टीका सभापति रवि लामिछानेविरुद्ध निर्वाचन आयोगमा उजुरी परेको छ । उजुरीमा चितवनको प्रतिनिधिसभा क्षेत्र नं. २ को उनको उम्मेदवारी खारेज गर्न माग गरिएको छ ।

 

 

विदेशी नागरिकता ग्रहणपछि नेपालको नागरिकता त्याग गर्नुपर्नेमा लामिछानेले त्यसो नगरेको भन्दै राजकुमार पाण्डेले लामिछानेविरुद्ध उजुरी गरेका हुन् ।

 

सञ्चारकर्ममा फर्कनुअघि लामिछाने लामो समय अमेरिका बसेका थिए ।

 

निर्वाचन आयोगले लामिछानेविरुद्ध मंगलबार उजुरी परेको र त्यसमा उनको उम्मेदवारी खारेज गर्न माग गरिएको जनाएको छ ।

 

उजुरी परेसँगै चितवन क्षेत्र नं. २ को निर्वाचन अधिकृतको कार्यालयलाई पत्राचार गरिएको छ ।

 

अब निर्वाचन अधिकृतले लामिछानेसँग यसबारे स्पष्टीकरण सोध्नेछन् । स्पष्टीकरणपछि यसबारे थप निर्णय हुने आयोगले जनाएको छ ।

 

केही महिनाअघि राष्ट्रिय स्वतन्त्र पार्टी गठन गरेका लामिछाने चितवन क्षेत्र नम्बर २ खबाट प्रतिनिधिसभा सदस्य उम्मेदवार छन् ।

Leave a Reply

Your email address will not be published. Required fields are marked *