Get Our Android App

अमेरिकालाई उछिन्दै चीन बन्यो संसारकै धनी देश

महाशक्ति राष्ट्र अमेरिकालाई पछि पार्दै छिमेकी मुलुक चीनले विश्वकै धनी मुलुक बनेको छ । कन्सल्टेन्सी फर्म म्याकिन्से एण्ड कम्पनीको ताजा रिपोर्टअनुसार पछिल्लो २० वर्षमा चीनको सम्पत्ति तीव्र गतिले बढिरहेको छ । तर अमेरिकाको सम्पत्ति भने सोही गतिले बढेको देखिँदैन ।

उक्त रिपोर्टअनुसार पछिल्लो दुई दशकमा विश्वभरको कुल सम्पत्ति तीन गुणाले वृद्धि भएको छ । विश्वको ६० प्रतिशत आय रहेका १० मुलुकको वासलात (ब्यालेन्स शीट) को जाँचपछि उक्त रिपोर्ट तयार पारिएको जनाइएकाे छ। २० वर्षको अवधिमा वृद्धि भएको विश्वको कुल सम्पत्तिमध्ये चीनले एक-तिहाई अर्थात् ३३ प्रतिशत हिस्सा ओगटेको छ । यसरी हेर्दा सो अवधिमा चीनको कुल सम्पत्तिमा १६ गुणा वृद्धि भएको छ ।रिपोर्टअनुसार सन् २००० मा विश्वको कुल सम्पत्ति करिब १५६ ट्रिलियन डलर थियो । तर २०२० मा विश्वको कुल सम्पत्ति बढेर ५१४ ट्रिलियन डलर पुगेको छ । उक्त अवधिमा वृद्धि भएको कुल सम्पत्तिमध्ये एक-तिहाई हिस्सा चीनको रहेको छ ।

 

सन् २००० मा विश्व व्यापार संगठनको सदस्य बन्दा चीनको कुल सम्पत्ति ७ ट्रिलियन अर्थात् ७० खर्ब डलर थियो । सन् २०२० मा त्यहाँको कुल सम्पत्ति बढेर १२० ट्रिलियन डलर पुगेको छ । यसको अर्थ २० वर्षमा चीनको कुल सम्पत्तिमा ११३ ट्रिलियन थपिएको छ ।

 

पछिल्लो २० वर्षमा चीनको तुलनामा अमेरिकाको सम्पत्तिमा कमी आएको र दुई गुणाले बढेको छ । २०२० मा अमेरिकाको कुल सम्पत्ति ९० ट्रिलियन डलर रहेको अनुमान गरिएको छ । रिपाेर्टका अनुसार सम्पत्ति (प्रोपर्टी) को मूल्यमा ज्यादा वृद्धि नहुँदा अमेरिकाले पहिलो स्थान गुमाएको र चीनले उछिनेर विश्वकै धनी मुलुक बनेको हाे ।

 

चीन र अमेरिका विश्वका सबैभन्दा ठूला अर्थतन्त्र हुन् ।

यो पनि, स्याङ्गजाको बिरुवामा श्रीमानको बन्चरो प्रहारबाट श्रीमती गम्भीर घाइते

स्याङ्गजा। श्रीमानको बन्चरो प्रहारबाट स्याङ्गजामा एक महिला गम्भीर घाइते भएकी छिन्।

 

जिल्लाको विरुवा गाउँपालिका वडा नं -७ सुरुङ निवासी ४२ वर्षीय हुम बहादुर थापाले सोमबार बिहानै अन्दाजी ३ बजेको समयमा आफ्नै श्रीमती ४० वर्षीया मिना थापालाई बन्चरो प्रहार गरी घाइते बनाएको प्रदेश प्रहरी उपरीक्षक अरुण पौडेलले जानकारी दिए।

पौडेलका अनुसार बन्चरो प्रहारबाट श्रीमती मिनाको बायाँ कुम र ढाडमा गहिरो चोट लागेको छ। उनलाई उपचारका लागि प्राथमिक स्वास्थ्य केन्द्र वालिङ पठाइएकोमा अस्पतालले पोखरा रिफर गरेको छ। प्रहरीका अनुसार उनको स्वास्थ्य अवस्था गम्भीर छ।

 

स्याङ्गजाका प्रहरी नायव उपरीक्षक तथा प्रहरी प्रवक्ता राजेन्द्रप्रसाद अधिकारीका अनुसार मदिराले मातिएका श्रीमान हुम बहादुरले घरायसी विवादमा श्रीमती माथी बन्चरो प्रहार गरेको बताए। हाल उनको मणिपाल शिक्षण अस्पतालमा उपचार भइरहेको र स्वास्थ्य अवस्था सुधारोन्मुख भएको जानकारी दिए।

 

घटनाको सूचना लगत्तै खटिएको प्रहरीको टोलीले श्रीमान हुम बहादुरलाई नियन्त्रणमा लिएर थप अनुसन्धान प्रक्रिया अगाडि बढाएको प्रवक्ता अधिकारीले जानकारी दिए।

Leave a Reply

Your email address will not be published. Required fields are marked *